Rahbar tashabbusi

Bizdan qoladigani faqat va faqat yaxshi nom, qilgan ezgu amallarimizdir. Shu sababdan ham atrofdagilar dilini og‘ritmaslikka, yaxshi amallarni bajarishga harakat qilamiz. Oltinsoy tumanidagi Mahallalar uyushmasi rahbari bahorni savobli tashabbus ko‘rsatish bilan boshladi.
Uyushmaning hovlisida 2000 dona terak, 500 dona atirgul qalamchalari, mevali va manzarali daraxt ko‘chatlari ekildi. Bu turfa gullarni ko‘rgan kishining bahri dili ochilishi tayin. Albatta, ushbu bog‘ning soya-salqinida, ajib ifor taratib turgan anvoyi gullar bag‘rida yangidan-yangi ijod namunalari tug‘ilsa, ijodkorlar kamolga yetsa, ajab emas. Bog‘dagi har bir gulu daraxtlarni paravrishlash uyushma xodimlarining zimmasida.