Suyunchi puli hammaga berilmaydi… mi?

Oilada farzand dunyoga keldimi, suyunchisi bor. Darrov bolaning guvohnomasini olasiz-u tug‘ruqxonadan berilgan ma’lumotnoma bilan suyunchi pulini olasiz. Bu ham bir kamingizni to‘ldirib, yo‘g‘ingizni yo‘ndiradi. Ijtimoiy tarmoqlar orqali endi suyunchi puli berilmasligi haqidagi xabar ko‘pchilik ayollarni xafa qilgani rost.
Haqiqatan ham endilikda, ya’ni 1-apreldan farzand tug‘ilganda beriladigan bir martalik nafaqa puli faqat birinchi farzandi uchun barcha ayollarga berilsa, ikkinchi holatda esa “Ijtimoiy himoya yagona reestri” axborot tizimiga kiritilgan oilaning a’zosi bo‘lgan ayollargagina rasmiylashtiriladi.
Qolgan barcha holatlarda esa nafaqa to‘lanmaydi.