Iqtidorlarini namoyish etishdi

Eski mashina, keraksiz buyumlar, gugurt yoki yog‘och bo‘laklarini uyingizda ko‘rsangiz, darrov uni chiqindiga tashlashga tushasiz. Ammo, oramizda shunday yoshlar borki, ana shunday keraksiz buyumlarni kerakli buyumga aylantirishadi. Bilim va mahoratlarini, iqtidorlarini ishga solib, ixtirolar qilishga-da qodir. Buni Qumqo‘rg‘on tumanidagi “Baraka” savdo majmuasida mahalla yoshlari oʻrtasida tashkil etilgan iqtidorli yoshlarning koʻrgazmali ishlari tanlovi orqali bilish mumkin bo‘ldi.
Tanlovda ixtisoslashtirilgan maktabning ixtirochi yoshlari robototexnika yo‘nalishi bo‘yicha hamda turli iqtidor egalari faol ishtirok etdi. Ko‘rmazmaga tashrif buyurgan borki, namoyishga qo‘yilgan mitti robotlar, ularning funksiyalari haqida bilib, hayratlarini yashira olmaydi. Tinib-tinchimas yoshlarning mahoratlariga tahsinlar o‘yiydi. Bu yerda nafaqat mo‘jaz robot mashinalar, balki san’at asarlariga teng buyumlar ham o‘rin olganki, ular milliyligimizdan, qadriyatlarimizdan so‘zlagandek bo‘ladi.
Tanlov hakamlar tomonidan adolatli va shaffof tarzda o‘tkazilib, har bir shtirokchining ishi munosib baholandi va taqdirlandi.