Suv sarfi kamayadi

Suv obihayotdir. Uni tejab-tergab ishlatish haqida tinmay bong uramiz. Davlatimiz rahbari raisligida qishloq xo‘jaligida suv resurslaridan oqilona foydalanish va yo‘qotishlarni kamaytirish chora-tadbirlari yuzasidan bo‘lib o‘tgan videoselektor yig‘ilishida ham bu masalaga alohida e’tibor qaratilib, tegishli soha mutaxassislariga topshiriq berilgan edi. Ana shu topshiriqni bajarish maqsadida Sho‘rchi tumanidagi “Soat Abduolim” fermer xo‘jaligi hududidagi ariq va zovurlar tozalanib, beton yotqizish ishlari amalga oshirilayotir.
Eng muhimi, suv va suv resurslaridan oqilona va tejamli foydalanish maqsadida fermer xo‘jaligi ixtiyoridagi ariq-zovurlar tozalanib, rejaga ko‘ra mazkur yo‘nalishdagi ishlar nihoyasiga yetgach, suv resurslari sarfi bilan bog‘liq muammoga chek qo‘yiladi.
“Soat Abduolim” fermer xo‘jaligidagi 2024-yil hosili uchun ekilgan boshoqli don ekinlari maydonlarida agrotexnik tadbirlari hamda bahorgi chigit ekish uchun mo‘ljallangan yer maydonlarida tekislash va pushta olish ishlari amalga oshirilmoqda.