Sariosiyo aerodromiga ilk sinov parvozi amalga oshirildi

Shoshilinch ravishda uzoq yo‘lga otlangudek bo‘lsak, birinchi navbatda samolyotda ketish xayolimizdan o‘tadi. Yaxshida, birgina viloyatimizdan Toshkentga qadar bir soat vaqtimiz sarflanib, manzilimizda bo‘lsak. Ammo, har doim ham reyslarning mavjud emasligi, qolaversa, vohaning Sariosiyo, Uzun, Denov kabi viloyat markazidan olis va chekka hududlaridan samolyotda ketish uchun Termiz shahriga kelishlari ham vaqdni, ham naqdni ketkazadi. Fuqarolarga yengillik kiritish maqsadida ana shunday vaziyatlarga munosib yechim topildi. Endilikda Sariosiyo tumanidan ham parvozlar amalga oshiriladigan bo‘ldi.
Transport vazirligi, Fuqaro aviatsiyasi agentligi, “Uzbekistan airvays” AJ va “Uzbekistan airports” AJning tegishli mutaxassis va ekspertlaridan iborat ishchi guruh «L-410» havo kemasida Toshkent – Termiz, Termiz – Sariosiyo, Sariosiyo – Toshkent yo‘nalishida ilk sinov parvozlarini amalga oshirdi. Ishchi guruh tomonidan ISAOning xalqaro normalariga muvofiq, Sariosiyo aerodromidan fuqaro aviatsiyasi parvozlarida foydalanish talablari, mavjud infratuzilma hamda aerodromning «ATR-72» havo kemalarini qabul qilish imkoniyatlari o‘rganildi.