Yangi yilga tuhfa

Sho‘rchilik Bobur Xolmatov uchun 2024-yil omadli boshlandi. U xalqimiz uchun xizmat qiladigan “Xonsaroy” majmuasida ish faoliyatini boshladi. Aytish kerakki, ushbu 500 o‘rinli majmuada Bobur kabi yana 25 nafar yosh o‘zining muqim ish joyiga ega bo‘ldi.
Tashabbusli tadbirkor G‘ayrat Ermatov sa’y-harakati bilan yangi yilning dastlabki kunlarida faoliyat boshlagan majmua mahalla ko‘rkiga ko‘rk bag‘ishlamoqda. Qolaversa, tuman ahliga munosib xizmat ko‘rsatadigan ushbu majmua har bir qadam ranjida qilganni mamnun etayotir.