Faollar taqdirlandi

Qaysi sohada faoliyat olib bormaylik, albatta, har birimizning moliyaviy savodxonligimiz bo‘lishi kerak. Mabag‘imizni jamg‘arish, ularni kerakli maqsadlarda ishlatish, kirim-chiqim masalasiga e’tibor qaratishimiz zaruratdir. Ana shunday jihatlarni qamrab oluvchi “World savings day—2023” (Butunjahon jamg‘arish kuni) xalqaro ta’lim tadbiri tashkil etildi.
Tadbir doirasida talabalarning moliyaviy savodxonligini oshirish bo‘yicha tashkil etilgan o‘quv seminarlari esa talaba-yoshlarni befarq qoldirmadi. O‘quvlarda Termiz davlat universitetining 16 nafar talabalari ishtirok etdi. Ularning faol ishtiroki, mulohazali fikrlari e’tibordan chetda qolmadi va munosib taqdirlandi. Yoshlarga O‘zbekiston Respublikasi Markaziy bankining sertifikati hamda pul mukofotlari topshirildi.