Denovlik o‘quvchilar Malayziyada

Malayziyaning Kuala-Lumpur shahrida “SPELLING BEE” xalqaro ingliz tili olimpiadasi o‘tkazilayotir. Ikkinchi tilni mukammal o‘rgangan, o‘z ona tilidek so‘zlasha oladigan darajaga yetgan yoshlarni bir makonda jam etgan olimpiada bilimlarni sinashda eng yaxshi mardimaydon vazifasini o‘tamoqda.
Ishtirokchilar ingliz tilidan so‘z boyligi, so‘zlarni to‘g‘ri talaffuz va talqin qilish, imloviy xatoga yo‘l qo‘ymaslik yuzasidan og‘zaki va yozma ravishda bellashdi. Olimpiadaning asosiy maqsadi ham “O‘qib muvaffaqiyat qozonish”, ya’ni o‘quvchilarning ingliz tilida o‘rganayotgan asosiy so‘z boyligi, lug‘ati, so‘zlashi va fikrlash qobiliyatini kuchaytirish va qo‘llab-quvvatlashdan iboratdir.
Unda Denov tumanidagi 74-umumiy o‘rta ta’lim maktabining bir guruh o‘quvchi-yoshlari ishtirok etib, final bosqichiga qadar yetib borgani quvonarli hol. Surxon yoshlari yaxshi natija ko‘rsatib, ikkinchi o‘rinni egalladi.