10 kishining bandligi ta’minlandi

Non dasturxonimizning to‘rida doimo e’zoz va ardoqda. Uning har ushog‘ini-da uvol qilmaslikka harakat qilamiz. Non qornimizni to‘qlashi bilan birga, uni pishirish, tayyorlash orqali bandligimiz ta’minlanishi esa ro‘zg‘orga qut-baraka olib kiradi. Sho‘rchi tumanining “Bo‘ston” mahallasidagi “Sho‘rchi don sifatli non” mas’uliyati cheklangan jamiyati faoliyatining yo‘lga qo‘yilishi natijasida 10 nafar fuqaroning bandligi ta’minlangani esa fikrimiz isboti bo‘ldi.
Ushbu korxonada non va non mahsulotlari Germaniya texnologiyasi asosida ishlab chiqarilmoqda. Ishga qabul qilingan har bir xodimning esa o‘z vazifasi va mas’uliyati bor. Mahsulotning sifatiga va ta’miga alohida ahamiyat qaratishlari lozim.