Davra suhbati o‘tkazildi

Insonning kiyim-boshi u haqidagi boshlang‘ich taassurotni uyg‘otadi. Gap-so‘zi, dunyoqarashi va fikrlashi esa tarbiyasini ko‘rsatib keradi. Shunday ekan, har ikki jihat ham muhim. Ko‘cha-ko‘yda ochiq-sochiq kiyingan, jamoat joyida o‘zini tuta olmaydigan qiz haqida kim ham yaxshi taassurotga ega bo‘lardi. Zamona zayliga mos va xos kiyinadigan, o‘ziga oro berib, gap-so‘zlarida turli jargon so‘zlarni qo‘llaydiganlarni to‘g‘ri yo‘lga soladiganlar esa biz kattalarmiz aslida.
Uzun tumani “Yangi yo‘l” MFY xotin-qizlar faoli boshchiligida mahallada yashovchi xotin-qizlar ishtirokida ayollar va yoshlarning kiyinish madaniyati, tarbiya masallari bo‘yicha davra suhbati o‘tkazildi.
Tadbirda kiyinish shaxsiy masala ekanligi, lekin har bir jamiyatning yozilgan, yozilmagan qonunlari, odob-axloq me’yorlari mavjudligi, ayniqsa, qiz-ayollarimiz jamiyatning vakili sifatida ana shu me’yorlarga albatta, amal qilishi, bu yoshlar tarbiyasi, kiyinishda milliy an’analarimizni asrab-avaylashda muhim ahamiyat kasb etishi aytib o‘tildi.
Qiziqarli, ochiq-oshkora muloqot asosida o‘tgan tadbirda libos har bir qiz-ayolga nafaqat ko‘rk bo‘lishi, balki uning odob-axloqi, dunyoqarashi, fe’l-atvori, ma’naviyati darajasini, umuman, qanday inson ekanligini ko‘rsatuvchi vositalardan biri hisoblanishi qayd etildi.