“Gender tenglik faoli” aniqlandi

Gender tenglik — bu tushuncha hayotimizga chuqurroq kirib kelar ekan, uning mohiyatini ham ana shunday anglashni, unga amal qilishni ham targ‘ib qiladi. Gender tenglik jamiyat hayotida faol ishtirok etayotgan, har jihatdan ibratli xotin-qizlarni qo‘llab-quvvatlashni, shu maqsadda olib borilayotgan islohotlarni targ‘ib etishni nazarda tutadi.
Mamlakatimizning ijtimoiy-iqtisodiy rivojlanishiga munosib hissasini qo‘shib kelayotgan, yuksak ma’naviyatli oilada va farzand tarbiyasida ibrat bo‘lish bilan birga o‘z faoliyatini olib borayotgan, tashkilot nufuzini oshirishda faol ishtirok etayotgan, turli soha ayollarini qo‘llab-quvvatlash, rag‘batlantirish va munosib taqdirlash maqsadida Boysun tuman Oila va xotin-qizlar bo‘limi tashabbusi bilan “Gender tenglik faoli” milliy tanlovining tuman bosqichi bo‘lib o‘tdi.
Tanlov hakamlar tomonidan baholanib, munosib nomzodlar g‘olib deb topildi hamda tanlovning viloyat bosqichida ishtirok etish uchun yo‘llanmani qo‘lga kiritishdi. Shuningdek, tanlov shartlariga ko‘ra 1-o‘rinni Ro‘zigul Xolmo‘minova 1-son kasb-hunar maktabi direktori egalladi.