1-sentyabrdan…

Ko‘p kvartirali uylarda yashovchilar ba’zida o‘z xonadonlariga o‘zboshimchalik bilan o‘zgartirish kiritishadi. Qo‘shimcha qurilishlar qilib, yangilik kiritishmoqchi bo‘lishadi. Afsuski, bu belgilangan tartib-qoidaga va qurilish loyihasiga ko‘ra zid harakat bo‘lib, joriy yining 1-sentyabridan ana shunday o‘zboshimchalik bilan qurilgan konstruksiyalar tekshiriladi.
Aytish kerakki, uylarning yerto‘la va birinchi qavatidagi zilzilabardoshlikka ta’sir qiluvchi konstruktsiyalarga o‘zboshimchalik bilan kiritilgan o‘zgartirishlar va seysmik faol zonada joylashgan seysmik xavfsizligi III-IV toifaga kiruvchi ko‘p kvartirali uylardagi umumiy foydalaniladigan joylarda (zinapoya yo‘laklari, cherdak va umumiy foydalanishdagi oshxonalarda) qurilgan konstruktsiyalar aniqlanib, fuqarolar tegishli tartibda ogohlantiriladi.