Chekka va olis hududlarda

Yurtimizda olis va chekka hududlar ham e’tiborda. U yerlarda ham aholi turmush tarzini yaxshilash, yetarli shart-sharoit yaratish maqsadida islohotlar isbotini ko‘rish mumkin. O‘zbekiston Respublikasi Prezidentining 2022-yil 25-oktabrdagi PQ-408-sonli “2022-2023-yillarda mahallalar infratuzilmasini yanada yaxshilash bo‘yicha qo‘shimcha chora-tadbirlar to‘g‘risida”gi qarori esa bu borada dasturilamal bo‘lib xizmat qilayotir.
Shu maqsadda 25 milliard 957 million so‘m mablag‘ evaziga Boysun tumanidagi 24 ta mahallada 28 ta qurilish obektlari, jumladan, 12 ta suv, 10 ta yo‘l, 2 ta elektr, 2 ta irrigatsiya, 1 ta seldan himoya qilish to‘sig‘i va 1 ta ko‘prik qurish ishlari olib borilishi belgilangan. Xususan Boysun tumani markazidan 65 kilometr olis hududda joylashgan “Qizilnavr” mahallasida 4 kilometr ichki yo‘llar asfaltlanishi rejalashtirilgan bo‘lib, ayni paytga qadar 0,8 kilometr asfaltlash ishlari olib borildi. Shuningdek 1,6 kilometr tuproq yo‘llar shag‘allandi.