Muammo bartaraf etildi

Surxon vohasining har hududida bo‘layotgan o‘zgarishlar, yangilanishlar va bunyodkorlik ishlari haqidagi xabarlar quloqqa hush yoqadi. Axir, bularning barchasi xalqimizning munosib hayot kechirishi, bandligi taminlanishi, yetarli shart-sharoit yaratish maqsadida amalga oshirilayotganini unutmaslik lozim. Vohada qishloq xo‘jaligi mahsulotlari yetishtirish va chorvachilik sohasi yaxshigina rivoj topganini inobatga olsak, amalga oshirilajak loyihalarda ham ana shunday sohalar ham qamrab olinganki, bu sohada yangi qadamni boshlab beradi.
Termiz tumanining “Soliobod” mahallasida “Janub Labo Avtotrans” MChJning loyiha qiymati 6 milliard so‘m bo‘lgan chorvachilik kompleksi amalga oshirilmoqda. Ammo, afsuski, mazkur loyiha doirasida chorvachilik kompleksi, ozuqa saqlash joylari va molxonalar qurish ishlari amalga oshirilmoqda. Biroq ozuqa yetishtirish va chorvani boqish uchun maydon ajratilmaganligi sababli loyihani davom ettirishda muammolar mavjud.
Surxondaryo viloyati hokimi Termiz tumaniga tashrifining keyingi manzilida chorvachilik kompleksida bo‘ldi va loyiha tashabbuskorining mavjud muammolarini tinglab, mas’ullarga ozuqa yetishtirish uchun yer maydoni ajratish masalasini o‘rganib chiqib, taklif kiritish bo‘yicha ko‘rsatmalar berdi.