To‘g‘ri xulosa chiqarsa…

Date:

Sherobod tumanida joylashgan Ichki ishlar vazirligi jazoni ijro etish departamentining 4-mintaqaviy hududidagi 41-sonli manzil koloniyasi. Mahkum va mahkumalar qilgan jinoyati uchun javob beradigan manzil. Javob berish bu jazolanish, qiynoqlarga solinish emas. Aslida to‘rt devor ichida chorasiz qolishning yaqinlari, oilasidan uzoqda bo‘lishning o‘zi eng katta jazodir. Ular ana shunday jazo bilan jazolanganlar. Belgilangan jazo muddati esa ularning yetarlicha xulosa chiqirishi uchun saboq bo‘lsa, kifoya. Bundan uyog‘i esa to‘g‘ri va halol yashash jinoyat botqog‘idan qutulishning eng to‘g‘ri va yorug‘ yo‘liga ulanadi.
O‘zbekiston Respublikasi Bosh vazirining o‘rinbosari Zulayho Mahkamova va Surxondaryo viloyati hokimi Ulug‘bek Qosimov Sherobod tumanida joylashgan ushbu manzil koloniyasida bo‘lishdi. Mahkum va mahkumalar bilan uchrashishdi.


Uchrashuvda mahkum va mahkumalarning jazoni o‘tashda belgilangan tartibda sharoitlar bilan ta’minlanligiga ishonch hosil qilishdi. Jazoni o‘tash davomida o‘zini yaxshi tutgan, namunali xulqga ega mahkumalarga jazoni yengil turiga almashtirish yoki ozod etish to‘g‘risida sudlarga davo kiritish yuzasidan chora-tadbirlar belgilab olingani jazo muddatini o‘tayotganlarni quvontirdi. Shuningdek, mahkumalarga ozodlikka chiqqach, hayotlarida yo‘l qo‘ygan xatolardan to‘g‘ri xulosa qilib, sog‘lom turmush kechirish, jamiyatda o‘z o‘rinlarini topishlari lozimligi ta’kidlandi. Buning uchun davlat barcha zaruriy yordamlarni ko‘rsatishi ma’lum qilindi.
Uchrashuvda mahkumalarga oziq-ovqat mahsulotlari va zarur gigiyenik vositalar ham topshirildi. Qolaversa, viloyat rahbari mazkur manzil koloniyasida tashkil etilgan ishlab chiqarish korxonasida ham bo‘lib, mahkumlarni ish bilan ta’minlash, korxonada ishlab chiqarilgan mahsulotlar sotuvini yo‘lga qo‘yish bo‘yicha taklif va tavsiyalarini berdi.

S.Davlatova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

“Ibrat farzandlari” ibrat ko‘rsatdi

Til bilishga qiziquvchi yoshlarning safi tobora kengayib bormoqda. Qay...

Yangi loyihalar taqdimoti bilan tanishildi

Surxondaryo viloyati hokimi Ulug‘bek Qosimov Jarqo‘rg‘on tumaniga tashrif buyurib,...

G‘alladan bo‘shagan yer maydonlari yoqib yuborildi

Ma’lumki, inson salomatligi muhim ahamiyatga ega, buning uchun eng...

Voha bo‘ylab sayohat

Ta’til maroqli o‘tishi uchun har bir kunni munosib rejalashtirish...
KunTun
KunTun