Ayni paytda-ku yozgi ta’til boshlanib, farzandlarimiz miriqib xordiq chiqarishni boshladi. Yangi o‘quv yili boshlanishi nafaqat yoshlarga, balki ota-onalarga ham katta mas’uliyat yuklaydi. Farzandlarimiz uchun yangi maktab formasi, kerakli o‘quv qurollari va boshqa buyumlarini xarid qilib, endi maktabga jo‘natganimizda, maktab darsliklari uchun ijara to‘loviga navbat keladi. To‘g‘ri, bolalarimizning kelajagi, munosib ta’lim olishi uchun bu darsliklar zarurat. Ammo, hamma oilaning ham bu imkonni topa olmasligi yomon. Yetmaganiga oilada bir nechta farzandning maktabga qatnashi muammoni yanada mushkullashtiradi.
Joriy yil 26-may kuni imzolangan Prezidentning tegishli farmoni bilan byudjetdan tashqari Respublika maqsadli kitob jamgʻarmasi faoliyati tugatiladigan bo‘ldi. Bu esa jamgʻarma yangi oʻquv yilidan boshlab, maktab darsliklarining ijara toʻlovi toʻliq Davlat byudjeti mablagʻlari hisobidan qoplash hamda oʻquvchilarga darsliklarni bepul foydalanishga berish tizimi joriy qilinadi degani.
Bunda, Respublika maqsadli kitob jamgʻarmasining barcha funksiyalari Maktabgacha va maktab taʼlimi vazirligiga oʻtkazilib, Davlat byudjeti hisobidan ushbu maqsadlar uchun ajratiladigan mablagʻlar alohida shaxsiy gʻazna hisobvaragʻida yuritish orqali mustaqil tasarruf etiladi.
Sohibjamol
