Maktab ta’limi o‘g‘il-qizlar hayotida muhim o‘rin tutadi. Farzandlarimizning kelajak taqdirlarida hal qiluvchi qadamni tashlashlari uchun bu bosqich boshlang‘ich bilim va ko‘nikmalarini egallashda, tasavvur hosil qilishda, qiziqish va iste’dodlarini kashf etishda, albatta, zarurat. Shuning uchun ham o‘rta ta’lim qonunimizda ko‘rsatilgandek majburiy va bepuldir. Yoshlarning maktabda munosib ta’lim-tarbiya olishlari uchun nafaqat munosib shart-sharoit yaratilayotir, balki malakali mutaxassislarni jalb etish, puxta bilim olishlari uchun barcha imkoniyatlar ishga solinayotir.
O‘quvchilarning zamonaviy bilimlarni egallashlari yo‘lida e’tiborga molik ishlar amalga oshirilmoqda. Maktablarning moddiy-texnik bazasi yaxshilanib, isitish va sovutish tizimlari ham ta’mirlanyapti. Mahalliy byudjet mablag’lari hisobidan Sariosiyo tumanidagi umumtaʼlim maktablariga 21 dona zamonaviy kompyuter jamlanmalari hamda 45 ta konditsioner texnikalari topshirilgani fikrimizning tasdig‘i bo‘la oladi.
H.Kamolova
