Yangilanayotgan Konstitutsiya jamiyatimizning evolyutsion rivojlanishidan kelib chiqayotgan hayotiy zaruratdir. Bu esa mamlakat, millat va xalq sifatida keyingi qadamlarimizni aniqlab olishimiz uchun gʻoyat ahamiyatli masala, adolatli jamiyat qurish yoʻlidagi ulkan qadamdir.
Respublikamizning barcha hududlarida bo‘lgani kabi Termiz shahridagi Yoshlar markazida ham Konstitutsiyaviy qonun loyihasi bo‘yicha targ‘ibot tadbiri tashkil etildi. Unda O‘zbekiston Milliy tiklanish partiyasi Markaziy kengashi vakillari, mahalliy Kengash deputatlari, taniqli san’atkorlar, talaba-yoshlar va Surxondaryo aholisi ishtirok etdi.
So‘zga chiqqanlar tomonidan yangilanayotgan Konstitutsiyada jamiyatning barcha qatlamlari manfaatlari inobatga olingani, Bosh Qomusimiz tom maʼnoda xalq Konstitutsiyasi boʻlayotganidan dalolat berishi hamda Yangi Oʻzbekistonni qurish gʻoyasi atrofida butun jamiyat jipslashgani ta’kidlandi.
— Yurtboshimizning yoshlarga qarata “Albatta, yangilanayotgan Konstitutsiya, bu – sizlarning Konstitutsiyangiz” degan so‘zlari biz yoshlarni o‘z kelajagimizga befarq bo‘lmaslikka chorlamoqda, desam adashmagan bo‘laman, — deydi Yoshlar ishlari agentligi Surxondaryo viloyat boshqarmasi boshlig‘i yordamchisi O‘rol Tojiyev. — Biz yoshlarga berilayotgan e’tiborning qanchalik yuqori ekanligini, yangilanayotgan Konstitutsiyamizga alohida yoshlarga oid bobning kirilayotganligidan ham bilishimiz mumkin. Albatta, bizlarga berilayotgan mana shunday imkoniyatlardan to‘laqonli foydalanib, o‘z kelajagimizga befarq bo‘lmagan holda yangilanayotgan Konstitutsiyani yo‘qlab ovoz beramiz.
Targ‘ibot tadbiri poytaxtimizdan tashif buyurgan taniqli san’atkorlarning gala konsert dasturi bilan davom etdi.
Surxontongi.uz
