Surxondaryoda “Salomatlik sayllari” o‘tkazilmoqda

Date:

Odatda boshimiz yostiqqa tegib, to‘shakka mixlanmaguncha tibbiy ko‘rikka bormaymiz. Bungacha esa kasallikni avj oldirib yuboramiz yoki asoratlari bilan ham kurashishimizga to‘g‘ri keladi. Aslida esa sog‘lik o‘zimiz uchun kerak. To‘rt muchamiz sog‘ bo‘lar ekan, boshqa narsalar haqida o‘ylaymiz, rejalashtiramiz. Vaqti-vaqti bilan shifokor nazorati va tibbiy ko‘rikdan o‘tib turish esa salomatligimizni asrashga xizmat qiladi.
Xalq sihat-salomatligi esa nafaqat o‘zimizning, balki davlat darajasida e’tibor lozim bo‘lgan jihat sanalayotgan hozirgidek bir paytda tez-tez bepul tibbiy ko‘riklarning tashkil etilib turishi bu boradagi amaliy ishlarning bir ko‘rinishi deyish mumkin. 7 aprel — Xalqaro salomatlik kuni munosabati bilan respublikamiz bo‘ylab Sog‘liqni saqlash vazirligi tomonidan “Salomatlik sayllari” oyligi o‘tkazilayotir. Oylik doirasidagi tadbirlar Surxondaryoda ham davom etmoqda.
Erta tongdan Boysun tumanidagi Musiqa va sanʼat maktabida yigirmadan ortiq mutaxassislik bo‘yicha respublika ixtisoslashtirilgan tibbiy markazlarning malakali shifokorlari, shuningdek, viloyat tibbiy muassasalarining yetuk mutaxassislari aholini tibbiy ko‘rikdan o‘tkazish uchun tibbiy asbob-uskunalar, anjomlar bilan tuman ahlini kutishayotir. Chorlovga “labbay” degandek, sog‘ligida muammosi va shikoyati borlar mutaxassislar qabuliga shoshishdi.
Boysunliklar qabul davomida kerakli tibbiy ko‘rikdan o‘tishdi, tahlillar topshirishdi, so‘ng poytaxtdan kelgan malakali shifokorlar tomonidan kerakli muolajaa tayinlandi. Aytish kerakki, ushbu aksiya 21-aprelga qadar davom etadi va viloyatimizning barcha tuman va shaharlarida tashkil etilishi belgilangan. Bu muddatga qadar zaruriy holatlarda kerakli jarrohlik amaliyotlari ham o‘tkaziladi. Bunday aksiyalarning tashkil etilishi voha ahlining uzog‘ini yaqin, muammosini esa hal etishga yordam beradi. Asosiysi esa ular shifo istab viloyat markazi yoki poytaxtga borib o‘tirishmaydi, axir poytaxtimizning tajribali soha mutaxassislari sihat tilab o‘zlari kelib o‘tirishibdi-da.

Hilol

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Yo‘llar ta’mirlanmoqda…

Yo‘l xavfsizligi inson umrining garovidir deb bejiz aytmagan. Mahallada...

“Inklyuziv ta’lim” loyihasining istiqbollari muhokama qilindi

2023-yil oktyabr oyidan Maktabgacha ta’lim agentligi bilan hamkorlikda YUNISEF...

Huquqiy masalalar o‘rganildi

Har bir oilaning o‘z tashvishi va muammosi bo‘ladi. Bu...

65 nafar xotin-qiz tikuv mashinali bo‘ldi

Subsidiya asosida fuqarolar nafaqat yangi uy, balki yangidan yangi...
KunTun
KunTun