Ayni muborak oy boshida turibmiz. Sabrimiz va qanoatimiz, go‘zal xulqimizni namoyon etib, yaxshi niyat ila ro‘za tutmoqdamiz. Xalqimizning har bir vakili savob-u yaxshi amallarni-da bu oyda kanda qilmayotir. Uzun tumanidagi Dehqon mahallasida ham ezgu tashabbusga qo‘l urildi va iftorlik dasturxoni yozildi. Mehmonlar esa mahallaning kam taʼminlangan, ijtimoiy ko‘makka muhtoj, ehtiyojmand fuqarolari bo‘ldi.
Ramazon oyi nafaqat ibodat, savoblarga erishish, balki xayr-u saxovat, insonlar o‘rtasida mehr-oqibat rishtalarini mustahkamlovchi muborak oydir. Saxovatpesha tadbirkorlarning ko‘magi ostida yozilgan dasturxon, undagi noz-ne’matlar esa xalqimizga xos, insoniylikning yuksak ko‘rinishini o‘zida aks ettiruvchi qadriyatlarimizning bir ko‘rinishi bo‘ldi. Bu bilan yo‘qsillarning ko‘ngil uylari obod etildi.
Iftorlikda qatnashgan nuroniy otaxonlarimiz borki, qo‘llarini duoga ochib, yurtimiz tinchligini, xalqimiz farovonligini tilashdi.
H.Baxtiyorova
