Yoshlarning turli sohalarda erishayotgan yutuq va muvaffaqiyatlari ularning o‘zi va yaqinlariniki emas, barchaniki, xalqniki hamdir. Bunday hushxabarlar eshitgan quloqqa yoqib, ko‘ngilga faxr tuyg‘usini uyg‘otadi. Farzandlarimizni ham ayni shu yo‘lda borishini orzu qilamiz.
Sportda, ilm-u fanda, san’at yo‘lida ijod qilayotganlar, albatta, ajoyib motivatsiya bo‘lib xizmat qiladi. “Navro‘z sadolari 9” xalqaro festivali ana shunday iqtidorlarni kashf etib, yuzaga chiqarishni maqsad qilgan. Unda ishtirok etib, o‘z iqtidor va mahoratlarini namoyish etganlar esa tomoshabinlarning ko‘nglidan joy olib, mehr-muhabbatini ham qozongani rost.
Ayniqsa, festivalning yakuniy bosqichida 18-sonli Bolalar musiqa va san’at maktabining “Joziba” ansambli a’zosi Tarona Rajabova ham ishtirok etdi va faolligi uchun “Umid” nominatsiyasiga munosib ko‘rildi hamda diplomi va 2 million so‘m pul yutug‘i bilan taqdirlandi.
S.Davlatova
