Mamadiyev Xusniddin Norboyevich Maktabgacha va maktab taʼlimi vazirining tegishli buyrug‘iga asosan Surxondaryo viloyati Maktabgacha va maktab taʼlimi boshqarmasi boshlig‘i lavozimiga tayinlandi.
U 1984-yilda Angor tumanida tug‘ilgan. 2005-yil O‘zbekiston Milliy universiteti, 2012-yil Toshkent davlat madaniyat institutini tamomlagan. Maʼlumoti bo‘yicha mutaxassisligi – sotsiolog, huquqshunos, madaniyat, taʼlim va fan sotsiologiyasi.
X.Mamadiyev mehnat faoliyati davomida Davlat va jamiyat qurilishi akademiyasi, Respublika yoshlar markazi direktori, Olmazor tumani hokimining o‘rinbosari, Olmazor tuman hokimining o‘rinbosari – “Yoshlik” shaharchasi hokimi va Davlat xizmatini rivojlantirish agentligi Toshkent shahar filiali bosh inspektori lavozimlarida mehnat qilgan.
Mazkur lavozimga tayinlangunga qadar 2022-yildan buyon Prezident taʼlim muassasalari agentligining viloyat hududiy bo‘limi boshlig‘i lavozimida faoliyat yuritib kelayotgan edi.
