Bosh vazir o‘rinbosari Angorga tashrif buyurdi

Date:

Ayol bilimli, serg‘ayrat, oqila bo‘lishi bilan bir qatorda, albatta, biror bir hunar egasi bo‘lishi kerak. Qo‘lida yumushi, hunari bor ayol doim ishning o‘zginasini emas, ko‘zini bilib-bilib harakatini qiladi. Vaqtdan unumli foydalanib, oila tutumi, bola tarbiyasida ham uddaburon bekaga aylanadi. Negaki, uning bo‘sh vaqti bo‘lmaydi. Ro‘zg‘orini uddalab, ishiga shoshadi. Jamoa orasida mehnat qilib toblangan ayol esa oq-qorani taniydi. Farzandlari kelajagida onaning o‘rni juda muhim. Shuning uchun ham ayol shunchaki uy bekasi bo‘lib emas, mehnat qilib, doimo harakatda bo‘lib turishi kerak. Bugun jamiyatda ayolning, onaning mavqeyini ko‘tarish, uni biror bir ish bilan ta’minlash yo‘lida ko‘plab amaliy harakatlar qilinmoqda.
Anor tumanida ham xotin-qizlar bandligini ta’minlash borasida olib borilayotgan ishlar orasida 1000 nafar ayolni ish bilan ta’minlash maqsad qilingan “Hunarmandchilik markazi”ni alohida ta’kidlash mumkin.

Bu degani bir emas, naq 1000 nafar ayolning ro‘zg‘origa ushbu markazda hunarini ishga solish orqali baraka kiradi. Demakki, shuncha ayol hayotdan va jamiyatda amalga oshirilayotgan islohotlardan mamnun holda turmush kechirishga intiladi.
Bosh vazir o‘rinbosari Zulayho Mahkamova hamda Kambag‘allikni qisqartirish va bandlik vazirligi huzuridagi Oila va xotin-qizlar qo‘mitasi raisi Ozoda Parpibayeva Angor tumanida bo‘lib, Yangi turmush mahallasida joylashgan “Hunarmandchilik markazi” faoliyati bilan tanishdi.
Markazda faoliyat olib borayotgan xotin-qizlar bilan suhbatlashib, ular uchun yaratilayotgan imkoniyatlar bilan qiziqdi.
Shuningdek, Bosh vazir o‘rinbosari mas’ullarga markaz faoliyatini kengaytirish bo‘yicha tavsiya va takliflari berdi.

A.Mo‘minova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Har mahalladan 2 nafar dasturchi…

Dunyoda IT sohasi shu darajada rivojlanib ketyaptiki, biror tashkilotga...

Uzilish bartaraf etildi

Bir necha kunki, Surxondaryo viloyatida qor yog‘ib, havo harorati...

Yosh matematiklar aniqlanmoqda

Maktab ta’limi davomida o‘qilgan bilimlar tanlovlar, tadbirlar, fan olimpiadalarida...

166 TA QONUNBUZILISH HOLATLARI ANIQLANDI

Kadastr agentligi Surxondaryo viloyati boshqarmasi, tuman, shahar bo‘limlari tomonidan...
KunTun
KunTun