“Navro‘z”ga tayyorgarlik qanday kechmoqda?

Date:

Qish kunlarida ham janubiy viloyatimizda bahor nafasini sezish mumkin. Boychechak allaqachon bahordan darak berib, toshloq yer yuzasini yorib chiqqan edi. Bodom esa gullay-gulay degan taraddudda. Ob-havo, atrof-muhit esa bahor kayfiyatini beradi. Demak, bahor yaqin. Bahor deyishimiz bilan esa Navro‘z ayyomi, ajib bayram sayllari yodga tushadi. Momolarimiz esa allaqachon bug‘doy o‘stirib, doshqozonlarda sumalak osishgan. Ko‘k somsalar ifori esa dimoqqa hush yoqib, ishtahani ochadi.
Ha, bahor, Navro‘z ayyomi ana shunday xursandchilik, bayramona kayfiyat ulashadi. Bu galgi Navro‘z shodiyonalarini Termiz shahridagi San’at saroyi maydonida o‘tkazilishi esa shahrimiz ahlini quvontirgani rost. Hozirdan tasavvurimizda ajib shodiyonalar gavdalanadi. Farzandlarimiz, yaqinlarimiz ila saylga borishni dilga tukkanimiz ham rost.
Ayni paytda esa San’at saroyida allaqachon “Navro‘z” umumxalq bayramiga tayyorgarlik ishlari boshlab yuborilgan. Jarayon esa qizg‘in pallada. Haykaltarosh-u dizaynerlar, vohaning ijod ahli bayram sayllari va tantanalari bo‘ladigan maydonni tayyorlash ishlari xususida bosh qotirishmoqda. Bayramona bezatish, dekoratsiyalarni joylashtirish, badiiy bezak ishlarini tashkil etish ila band.
Termiz shahar hokimi O‘ktam To‘rayev esa ayni qizg‘in pallada “Navro‘z” umumxalq bayramiga tayyorgarlik qanday ketayotgani bilan qiziqdi. Tayyorgarlik ishlariga mas’ul etilgan jamoa — badiiy ijodkorlar, haykaltarosh, rassom va dizaynerlar bilan uchrashdi. Bayramga tayyorgarlik ko‘rish yuzasidan kerakli tavsiya va ko‘rsatmalar berdi.

H.Baxtiyorova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

O‘z ishidan mamnun

Ba’zi fuqarolar osh bo‘lsa-yu, ish bo‘lmasa, qabilida ish tutishni,...

Somonpoya qoldiqlarini yoqishga chek qo‘yildi

Ba’zan ekologiyani asrab-avaylash haqidagi chiqishlarimiz, targ‘ibot-tashviqotlarimiz odamlar qulog‘iga yetib...

Bolajonlar ardoqda

Inson tabiatan mo‘’tadillikni yaxshi ko‘radi. Me’yoridan ortiq issiq ham,...

Luqmani harom qilmang!

Insonning salomatligi ko‘p hollarda u iste’mol qilayotgan oziq-ovqat mahsulotlariga...
KunTun
KunTun