Sog‘lik — tuman boylik deyishadi. Ammo, turmush tashvishlari, kasbi-korimiz sabab har doim ham organizmimizni bezovta qiladigan og‘riqlarga e’tibor beravermaymiz. O‘tib ketar degan xayol deya og‘riq qoldiruvchi dori-darmonlarni qabul qilish bilan kifoyalanamiz. Prezident huzuridagi Davlat xizmatini rivojlantirish agentligi tashabbusi, Sog‘liqni saqlash vazirligi, viloyatlar hamda Angor tumani hokimligi hamkorligida davlat xizmatchilari birlamchi tibbiy ko‘rikdan o‘tkazilayotgani o‘zi uchun vaqt topa olmaydiganlar uchun ayni muddao bo‘ldi.
Har bir davlat xizmatchisi tibbiy ko‘rikdan o‘tkazilib, ularga salomatligi to‘g‘risidagi xulosalar, ba’zi holatlarda esa chuqurlashtirilgan ko‘rik uchun yo‘llanmalar berilmoqda. Jarayonga esa o‘z mutaxassisligining tajribali shifokorlari jalb etilgan bo‘lib, tashxis qo‘yishda barcha tekshiruv apparatlari xizmatga shay. Bu esa ko‘rikdan o‘tayotganlarni xursand qilib, yaratilgan imkoniyatdan mamnun bo‘lishiga sabab bo‘lmoqda. Eng muhimi esa endilikda ulardagi ba’zi kasalliklarning barvaqt oldi olinishiga ham erishiladi.
Mana shunday tibbiy ko‘riklar viloyatimiz bo‘ylab joriy yilning 20-fevraliga qadar davom etadi.
S.Davlatova
