Ona tabiat sir-u sinoatga to‘la. Hali turlari aniqlanmagan o‘simliklar-u jonzotlar, organizmlar talaygina. Talab etiladigani esa faqat va faqat o‘rganish… Fanlar akademiyasi Botanika instituti xodimlari esa doimiy tarzda ilmiy-tadqiqot va o‘rganish ishlarini olib borishayotir. Ana shunday o‘rganishlar natijasida piyoz (Allium)ning yangi turi kashf etildi. Surxondaryo viloyatidagi Bobotog‘ tizmasidan topilgan ushbu tur “Allium suhangii” deb nomlandi.
Mashhur PhytoKeys jurnalida kashf qilingan yangi turning tavsifi nashr etildi. Maqola Allium turkumiga mansub bo‘lgan yangi turning O‘zbekiston hududidan topilganligini va uni to‘liq O‘zbekiston florasi uchun noyob endemik tur ekanligini ko‘rsatadi.
Hilol
