Futzal (inglizcha, mini futbol) haqida gap ketganda futbol bilan nima farqi bor ekan, degan xayolga borish aniq. Futzal ham futbolga o‘xshaydi, faqat futbol bilganimizdek katta, usti ochiq maydonda o‘ynalsa, futzalda parketli kichikroq va usti yopiq majmuada to‘p suriladi.
Bu o‘yinda ham darvozabon, hujumchi va himoyachilardan chaqqonlik, epchillik va mahorat talab etiladi. Ayni shunday futzal “O‘zbekiston Respublikasi Sportni rivojlantirish vazirligi tashabusi bilan Toshkent shahrida tashkil etildi.
Sog‘lom turmush tarzini targ‘ib qilish hamda sportga qiziqishni oshirish maqsadida bo‘lib o‘tgan “RAHBAR KUBOGI 2022” sport musobaqasida davlat organlari, idora va tashkilotlari rahbar va xodimlari ishtirok etdi. Musobaqada 16 ta jamoa ishtirok etib, o‘zaro bellashdi.
Sariosiyo tuman sport bo‘limi boshlig‘i Z.Zayitov esa Surxondaryo viloyati jamoasi sharafini munosib himoya qildi. Uning jamoaga yordam berib, to‘p surishda o‘ziga xos harakatlari inobatga olinib, Sport vaziri tomonidan “Eng yaxshi o‘yinchi” nominatsiyasi bilan taqdirlandi.
Sohibjamol
