Ko‘chalarda transport qatnovi bugungi kunda har qachongidan gavjum. Avtomobillarning soni yildan-yilga ko‘payib bormoqda. Bu miqdorning oshishi esa tabiiy-ki yo‘l transport hodisalarining ortishiga ham sabab bo‘lib borayotir. Ayniqsa, yo‘l belgilarining ko‘rinmas holatga kelishi yoki butunlay o‘chib ketishi jarayonni yanada tezlashtiradi.
Fuqarolar hayoti va sog‘ligi muhofazasi yo‘lida hamda yo‘l-transport hodisalarining oldini olish maqsadida Sariosiyo tumanida yo‘l belgilarini saqlash va yangilash ishlari olib borildi. Hududdagi ko‘rib bo‘lmas darajada xiralashgan yo‘l belgilarining bir qanchasi ta’mirlangan bo‘lsa, ba’zilari olib tashlanib, yangilariga almashtirildi. Yo‘l harakati xavfsizligini nazorat qilish va samaradorligini oshirishni o‘zlarining asosiy maqsadi deb bilgan Sariosiyo tuman yo‘llardan foydalanish unitar korxonasi bu ishga bosh bo‘ldi. Shuningdek, yo‘l chetidagi beton to‘siqlar ham to‘liq oqlab chiqildi.
Dildora Otaqulova
