17 yil kutilgan orzu…

Date:

Eng katta orzu va maqsadlarimizdan biri talaba bo‘lish baxti bo‘lsa kerak. Ammo, Yulduz Saidovaning bu orzusi faqat birgina sabab tufayli o‘z vaqtida amalga oshmadi. Uning oilasi Yulduz 5 yoshda bo‘lganida, ya’ni 1994-yilda Tojikiston Respublikasidan Sho‘rchi tumaniga ko‘chib kelgan edi. Yoshi yetib maktabda o‘rta ta’limni oldi. Ammo, fuqarolik pasporti olishga kelganda, o‘sha paytdagi tartib-taomil bunga yo‘l qo‘ymadi.
Shu-shu pasport olish ishtiyoqi Yulduzda kuchayib bordi.

Buni qarangki, Yulduz Saidovaning 17 yillik orzusi amalga oshdi. Fuqarolarning muammosini hal, mushkulini oson qiladigan qabulda IIB boshlig‘i o‘rinbosari Iqboliddin Ketmonov Yulduz Saidova hamda Umrzoq Mamaraimovga fuqarolik pasportini topshirdi.
Ha, kim uchundir, shunchaki fuqarolikni belgilab beradigan oddiy hujjatning qadr-u qiymatini bugun Yulduz yanglig‘ fuqarolar juda yaxshi anglaydi. Fuqarolik pasportini qo‘llariga olgan fuqaro ko‘z yoshlarini, hayajonini tiya olmadi. Mutasaddilarga minnatdorchilik bildirib, ko‘plab imkoniyatlarni beruvchi, huquq va erkinliklarini ta’minlovchi pasportini ko‘ksiga bosdi.
— Fuqarolik pasportim bo‘lmagani uchun saylovlarda boshqalar qatori ishtirok eta olmadim, — Y.Saidova. — Oliygohda tahsil olish niyatim ham o‘z vaqtida amalga oshmadi. Mana, nihoyat niyatim ro‘yobga chiqib, O‘zbekistonning chinakam fuqarosiga aylandim. Fuqarolik maqomiga erishganim, orzularimning ro‘yobi uchun xizmat qiladi.

H.Baxtiyorova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

BHMning 6 baravari miqdorida

Hukumat qarori bilan «Jazoni ijro etish muassasalaridan ozod qilingan...

Yangi O‘zbekistonni barpo etish, fuqarolar farovonligini ta’minlash va mamlakatimizning...

Mavsum samarali tashkil etildi

Shoʻrchi tumanidagi 14-maktabgacha ta'lim tashkilotida “Yozgi sog'lomlashtirish mavsumini...

Jarimasi 3 750 000 so‘m

Viloyatiʼ prokuraturasi xodimlari, viloyat Ekologiya boshqarmasi hamda Milliy gvardiya...
KunTun
KunTun