Tadbirkor g‘amxo‘rlik ostida

Date:

Tadbirkor o‘z ishini rivojlantirib, nafaqat daromad topadi, balki foydali mehnat taqsimoti bilan jamiyat taraqqiyoti uchun ham o‘zining munosib xissasini qo‘shadi. Tadbirli insongina yurtimizda yaratilgan imkoniyat va imtiyozlardan oqilona foydalana oladi. Aks holda ishsizlar safi ortishi hech gap emas.

Gap imtiyoz va shart-sharoit haqida ketar ekan, Sho‘rchi tumanida faoliyat olib borayotgan tadbirkorlar e’tibor va g‘amxo‘rlik ostida ekanini ishonch bilan aytish mumkin. Tegishli davlat idoralari ularni eshitadi, takliflarini o‘rganib, muammolarini hal etish uchun tadbirkor yo‘lidagi g‘ov va to‘siqlarni bartaraf etadi. Ayni shu maqsadda tashkil etilgan ochiq muloqotda kredit, subsidiya olish, litsenziya, ko‘chmas mulk va resurslarga egalik, eksport masalalari hamda yangi imkoniyat va sharoitlar haqida so‘z bordi.

— Albatta, amalga oshirilayotgan islohotlardan ko‘rish, sezish mumkinki, xalq va davlat idoralarining tadbirkor va ishbilarmonlarga nisbatan munosabati o‘zgargan, — deydi ochiq muloqotda Savdo-sanoat palatasi Navoiy viloyat hududiy boshqarmasi boshlig‘i Asliddin G‘aybullaev. – Ular qo‘llab-quvvatlovda va g‘amxo‘rlik ostida. Natijada ichki va tashqi bozorda o‘z o‘rniga, nufuzi va brendiga ega tadbirkorlar sinfi shakllana boshladi. Tadbirkor mo‘may daromad ko‘ryaptimi, bu o‘zigagina emas, davlatga ham foyda.

Ochiq muloqot samimiy ruhda o‘tkazildi. Ishbilarmon tadbirkorlar o‘z takliflarini, fikr-mulohazalarini bildirish bilan birga muammo va takliflarini aytib, mutasaddilardan munosib yechim oldilar.

Hilol

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

O‘z ishidan mamnun

Ba’zi fuqarolar osh bo‘lsa-yu, ish bo‘lmasa, qabilida ish tutishni,...

Somonpoya qoldiqlarini yoqishga chek qo‘yildi

Ba’zan ekologiyani asrab-avaylash haqidagi chiqishlarimiz, targ‘ibot-tashviqotlarimiz odamlar qulog‘iga yetib...

Bolajonlar ardoqda

Inson tabiatan mo‘’tadillikni yaxshi ko‘radi. Me’yoridan ortiq issiq ham,...

Luqmani harom qilmang!

Insonning salomatligi ko‘p hollarda u iste’mol qilayotgan oziq-ovqat mahsulotlariga...
KunTun
KunTun