Bobotog‘ hududida suvli yerlarni kengaytirish rejasi hudud ahlini quvontirgani aniq. Kanallar kengaytirilsa, bir tomondan suv toshqinlarining xavfi kamayadi, boshqa tomonda esa suv ta’minoti yaxshilanadi. Suv tanqis hududlarga-da suv kirib boradi. Bu odamlarning mushkulini oson qiladi, vaqtini tejaydi.
Ayni shu maqsadda 2021-2023-yillarda Surxondaryo viloyati Uzun tumani Bobotog‘ hududida qishloq xo‘jaligiga mo‘ljallangan yer maydonlarini qayta foydalanishga kiritish va yerlarning suv ta’minotini yaxshilash bo‘yicha chora-tadbirlar dasturidagi “MK” kanalining 11,5 kilometr uzunlikdagi qismini inshootlari bilan birgalikda rekonstruksiya qilish ishlari boshlab yuborildi.
Loyiha Respublika byudjetidan 6 milliard so‘mga moliyalashtirilgan va natijada 142 gektar suvli yer qayta foydalanishga kiritiladi va 33 gektar yer maydoni hamda “Tolto‘g‘ay” mahalla fuqarolar yig‘inida yashovchi aholining suv ta’minoti yaxshilanadi.
S.Davlatova
