Jasur polvon birinchi

Date:

G‘oliblik polvonga o‘ziga ishonch hissini beradi. G‘oliblik sergaklik, o‘z ustida ishlash uchun kuch beradi. Kuragini yerga tekkizmaslik uchun mehnatda, mashaqqatlarda toblanishga o‘rgatadi. “Men g‘olib” shiori ostida Milliy kurash va tosh ko‘tarish sport turlari bo‘yicha O‘zbekiston Respublikasi Mudofaa vaziri kubogi uchun o‘tkazilgan musobaqalarning viloyat bosqichida bilagida kuchi borlar maydonga tushdi.

Jarayonni kuzatish ham maroqli, ham hayajonli. Mardlarning maydonga tushishi, bir-birlariga to‘qnashgan nigohlarlarni, belbog‘idan ko‘tarib, bir aylantirib, halol kurashganlarni ko‘rib, ta’sirlanmaslikning, olqishlamaslikning iloji yo‘q. Ha, kurash halol bo‘ldi. Kurash qiziqarli va shiddatli, kutilmagan burilishlarga boy bo‘ldi.

Men g‘olibman degan, mardlar ichra mardi maydon esa bitta bo‘ladi. Milliy kurash bo‘yicha o‘tkazilgan bellashuvlarda 81+ kilogramm vazn toifasida ishtirok etgan Termiz tumani “Quyoshli yurt” mahallasida yashovchi Jasur Shukurov barcha raqiblarini yer tishlatdi. Faxrli birinchi o‘rin bilan musobaqaning final bosqichiga ishtirok etish uchun yo‘llanmani naqd qildi.
Musobaqa so‘ngida esa g‘oliblar tashkilotchilarning qimmatbaho sovg‘alari va medallar bilan taqdirlandi.

S.Murodova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Har mahalladan 2 nafar dasturchi…

Dunyoda IT sohasi shu darajada rivojlanib ketyaptiki, biror tashkilotga...

Uzilish bartaraf etildi

Bir necha kunki, Surxondaryo viloyatida qor yog‘ib, havo harorati...

Yosh matematiklar aniqlanmoqda

Maktab ta’limi davomida o‘qilgan bilimlar tanlovlar, tadbirlar, fan olimpiadalarida...

166 TA QONUNBUZILISH HOLATLARI ANIQLANDI

Kadastr agentligi Surxondaryo viloyati boshqarmasi, tuman, shahar bo‘limlari tomonidan...
KunTun
KunTun