Savobli va ezgu ishlar hayotimiz naqshiga aylanadi, o‘zimizga zeb beradi. O‘zgalarning ko‘ngil uyini obod etib, og‘irini yengil qiladi.
Ha, savob ishlar har ikki tomonga ham ana shunday ajib hislarni tuhfa etadi. Eshitgan ko‘ngillar ham zavq-shavqsiz qolmaydi, albatta. Inson qadrini ulug‘lovchi surxonliklarning hali Termiz shahrida, hali Qiziriq tumanida yaxshi niyat ila boshlangan sunnat to‘ylarining daragini eshitgan edik. Bu galgi tashabbus Jarqo‘rg‘onda bo‘y ko‘rsatdi.
Tumanning 3-sektor rahbari tuman IIB boshlig‘i Sh.Allamurodovning sa’y-harakatlari bilan “Orzu” to‘yxonasida 10 nafar bolajonning sunnat to‘yi o‘tkazildi. Unda saxovatpesha homiylar ko‘magida bolalarga to‘y dasturxoni bezitilib, sovg‘a-salomlar ulashildi.
H.Baxtiyorova
