4 ta ariza bekor qilindi

Date:

Ajrim so‘zini eshitgan borki, bir seskanib ketadi. Oilaviy nizolar, o‘zaro kelishmovchiliklar-u uchinchi kishining aralashuvi ajrim bilan yakunlanishi yomon. Zarar ko‘radiganlar esa tirik yetimga aylanadigan o‘g‘il-qizlar.
Aslida esa hal etib bo‘lmaydigan muammo va masalaning o‘zi yo‘q. Holat o‘rganilib, tushunmovchiliklarga oydinlik kiritilsa, bari ochiqlanadi. Ko‘ngildagi gina-yu arazlar, nafrat va adovat chekinadi. Ulug‘lar aytganidek, “er-xotinning urushi, doka-ro‘molning qurishi”gacha…

Denov tumanidagi “Ayollar reabilitatsiya qilish va moslashtirish markazi”da tegishli tashkilotlar mas’ullari bilan hamkorlikda olib borilgan ishlar doka-ro‘molni quritmay qolmadi. Denov tumanlararo sudiga nikohni bekor qilish haqidagi ariza bilan murojaat qilgan fuqarolar bilan suhbat olib borildi. Ulug‘lar nasihati, mutaxassislar maslahati bilan 4 ta oila murosa yo‘lini tanladi. Arizalar qaytarib olinib, yorug‘ yuz bilan qaytgan oilalar ko‘zidagi quvonch va hotirjamlik tuyg‘usini so‘z bilan ifodalash mushkul.
Aytish kerakki, oilalar mustahkam bo‘lishi uchun xotin-qizlarning huquqini va qonuniy manfaatlarini ta’minlash, oilaviy qadriyatlarni saqlash, oilalarda ma’naviy-axloqiy muhitni yaxshilash maqsadida tumandagi hamkor tashkilotlar ishtirokida oilalarda huquqiy targ‘ibot suhbatlari olib borilayotir.

Sohibjamol Baxtiyorova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Tomoshadan zavq olib…

Bolalarning ilk yoshidan savodxonlik, ratsional ovqatlanish, shaxsiy gigiyena va...

Talablar belgilandi

Adliya vazirligi tomonidan SHNQ 2.07.06-23 «Shahar ko‘cha-yo‘llari. Piyoda mintaqalari...

Ochiq eshiklar kunida…

Albatta, bolajonlardan kelajakda kim bo‘lishlarini so‘rasangiz, kimdir harbiy, kimdir...

Munosiblar tavsiya etiladi

Imtiyoz so‘zi quloqqa xush yoqadi. Har birimiz qanday bo‘lmasin,...
KunTun
KunTun