Maktabga jo‘natgan farzandimizni qaytguniga qadar yo‘liga ko‘z tikamiz. “Yo‘ldan ehtiyot bo‘lib o‘tdimi” degan o‘ylar hamda mashinalar qatnovi ko‘z o‘ngimizdan bir-bir o‘taverib xalovatimizni yo‘qotishimiz bor gap. Tez-tez qulog‘imizga chalinadigan avtohalokatlar, ko‘ngilsizliklar ayni maktablar yonida sodir bo‘lishi, o‘quvchi-yoshlarning voqea qurboniga aylanishini xavotirga solmay qo‘ymaydi.
Sariosiyo tuman yo‘llardan foydalanish unitar korxonasi ota-onalarning ana shunday tashvishlanishiga hojat qoldirmadi. Korxona tomonidan O‘zbekiston Respublikasi Prezidentining 2022-yil 4-apreldagi PQ-190 “Avtomobil yo‘llarida inson xavfsizligini ishonchli ta’minlash o‘lim holatlarini keskin kamaytirish chora-tadbirlari to‘g‘risida”gi qarori ijrosini ta’minlash maqsadida tumandagi umumfoydalanuv yo‘llar yoqasida joylashgan maktablar atrofiga tezlikni cheklovchi yo‘l belgilari o‘rnatib, piyodalar yo‘lakchasi qurish ishlarini boshlab yuborgan.
S.Baxtiyorova
