Surxon vohasidagi, xususan eski Termiz hududidagi buddaviylik ibodatxonalari va undan topilgan budda haykallari dunyo olimlarining e’tiborini tortgan edi. Ekspeditsiya ishlari jadallik bilan olib borilib, Termiz shahri milodiy I-III asrlarda buddizm markazi sifatida tan olinganiga tarixiy manbalarning o‘zi guvohlik beradi. Ana shunday qadimiylikdan so‘zlovchi noyob topilma-yu boyliklarning qanchadan-qanchasi ona zamin qatida yashirin. Sariosiyolik fuqaro qurilish ishlarini amalga oshirish maqsadida olib keltirgan tuproq orasidan chiqqan budda tasviri tushirilgan terrakota haykali o‘tmishdan hikoya qilguvchi noyob topilma sifatida e’tiborni tortdi. Ushbu terrakota haykalida buddaning o‘tirgan holati tasvirlangan. Surxondaryo viloyati turizm va madaniy meros bosh boshqarmasi ma’lumotiga ko‘ra, haykalcha “Termiz” davlat muzey-qo‘riqxonasiga topshirilgan.
Hilol
