San’at insonga ma’naviy hordiq, estetik ruh beradi. Ayniqsa, bahramand bo‘lganimiz komediya, ya’ni hajviy tomosha bo‘lsa, kayfiyatimizni chog‘ qilishi aniq. Xorazm viloyatidan tashrif buyurgan bir guruh aktyorlar jamoasi boysunliklarga ana shunday yuqori kayfiyat ulasha oldi.
Tumandagi madaniyat uyida yetti yoshdan yetmish yoshgacha jam bo‘lganlar Afandining boshdan kechirgan ming bir sarguzashtlarini katta qiziqish bilan tomosha qildilar.
Aktyorlar mahoratini ular ijro etgan qahramoni ruhiyatini nechog‘lik ochib bergani bilan sezish, baho berish mumkin. Xorazmlik san’atkorlar esa bor iste’dodlarini ko‘rsata oldi. Tomoshabinning kayfiyati-yu olqishlari buni isbotlab bergandek bo‘ldi.
Ana shunday sahna tomoshalari, yangicha talqin va o‘zgacha uslub namoyishi san’atni yuqori cho‘qqiga olib chiqaradi va tomoshabin didining o‘sishiga turtki bo‘ladi.
S.Normurodova
