Jamoalar tanishtirib o‘tildi

Tamaddun beshigi hisoblanadigan Boysunning Padang qishlog‘ida bugun o‘zgacha bahor nafasi.
Erta tongdan “Boysun bahori” xalqaro folklor festivali har galgidan ham yuqori kayfiyatda boshlandi.
Ushbu festivalning markaziy sahnasida “Boysun bahori” folklor festivalida o‘z chiqishlari bilan bellashadigan jamoalar folklor chiqishlarini namoyish etishi belgilangan.
Respublikamizda jami 14 ta folklor jamoalar ishtirok etmoqda. Xorijiy davlatlardan 5 ta folklor jamoalar ham ushbu festivalda ishtirok etib, o‘z san’atlarini namoyish etishadi. Jumladan, Buyuk Britaniya, Fransiya, Qozog’iston, Qirg’iziston hamda Tojikiston kabi davlatlarning folklor jamoalari ishtirok etmoqda.
Dastlab, jamoalar tomonidan tayyorlangan folklor chiqishlarni baholab borish uchun hakamlar hay’ati tanishtirib o‘tildi.
O‘zbekiston davlat san’ati va madaniyati institut professori O‘rozali Toshmatov, Tojikiston Respublikasi xalq artisti Sayram Isayeva, Alisher Navoiy nomidagi Til va adabiyoti institut o‘qituvchisi, filologiya fanlari doktori Olim Qayumov, Kamoliddin Behzod nomidagi Milliy rassomlik va dizayn institut dotsenti san’atshunoslik fanlari nomzodi Ibrohim Abdurahmonov hamda Buyuk Britaniyadan tashrif buyurgan professor Eva Skalalar bu yilgi “Boysun bahori” xalqaro folklor festivalida hakam sifatida ishtirok etmoqda.
Shuningdek, hakamlar hay’ati tanishtirib o‘tilgach, respublikamizning turli hududlaridan tashrif buyurgan jamoalarning sahnaga chiqish tartibi va jamoalar tanishtirib o‘tildi.