Sport insonni jismonan sog‘lomlashtirishga xizmat qilishini, sportning qaysi turi bilan shug‘ullanishdan qat’iy nazar kishi chiniqa borishini, tiniq fikrlay boshlashini shaxmatda o‘zini sinab ko‘rganlar yaxshi bilishadi. Sport turlari ichida ayniqsa, aqlni charxlaydigan, tez va ravon firklashga o‘rgatadigani bu shaxmatdir.
Shaxmat taxtasidan joy olgan 64 ta katak va 32 ta figurani birdek kuzatib turish, raqibning xatti-harakatiga sergak bo‘lish va shu orada donalarni surishda yangi yo‘llarni qidirish kabi harakatlar ortida insonning sezgirligi, topqirligi va diqqati sinovdan o‘ta boradi. Shaxmatni aholi o‘rtasida keng targ‘ib qilish, fuqarolarning sportga bo‘lgan qiziqishini orttirish, shuningdek, bo‘sh vaqtlarini mazmunli tashkil etish borasida ham bir qator ishlar amalga oshirilayapti.
Yoshlar ishlari agentligi kubogi uchun “Shaxmat” turniri joylarda start oldi. Jumladan, Boysun tumanida besh tashabbus olimpiadasi doirasida sportning turi bo‘yicha “Mustaqillik” mahallasida 7 yoshdan 70 yoshgacha bolgan mahalla fuqarolari va yoshlar o‘rtasida “Shaxmat” musobaqalarining mahalla bosqichi o‘tkazildi.
E’zoza
