120 o‘ringa 3 milliard 287 million so‘m…

Date:

Sho‘rchi tumanining “Obodon” mahallasida joylashgan 10-davlat maktabgacha taʼlim tashkilotining zamonaviy usulda bunyod etilgan yangi binosi foydalanishga topshirildi.
Shu munosabat bilan tashkil etilgan tantanali tadbirda ishtirok etgan tuman hokimi o‘rinbosari Ulugʼbek Choriev so‘zga chiqib, obodonliklarni bugungi quvonchli kun, yangi taʼlim-tarbiya maskanining ochilishi bilan tabrikladi. Shuningdek, keyingi yillarda mamlakatimizda kelajagimiz egalari bo‘lgan bolajonlarni har taraflama barkamol qilib tarbiyalash davlatimiz belgilab olgan siyosatning ustuvor yo‘nalishiga aylanganini alohida taʼkidladi.

—Bugungi zamon bolalariga havasim keladi. Ularning o‘ynab ulg‘ayishi, taʼlim-tarbiya olishi uchun barcha sharoitlar, imkoniyatlar yaratib berilyapti, – deydi mahalla faoli Xolbibi Ergasheva. – Mana bu bolalar bog‘chasiga bir qarang: qanday ko‘rkam, qanday shinam. Ichidagi jihozlariyu, o‘quv qurollarini aytmaysizmi. Keng, yorug‘ xonalar, bolalarbop mebel jihozlari, rang-barang o‘yinchoqlar. Hatto, bolajonlar uchun yozgi o‘yin maydoni barpo etilgan. Bularning barchasi kelajak avlodning taʼlim-tarbiyasi uchun ekanligi juda quvonarli.
Ochilish marosimidan so‘ng, tadbir ishtirokchilari muassasada tarbiyalanuvchilar uchun yaratilgan shart-sharoitlar bilan tanishishdi.
“Obodon” mahallasida qurilib, foydalanishga topshirilgan 120 o‘ringa mo‘ljallangan mazkur maktabgacha taʼlim tashkiloti 3 mllliard 287 million so‘m mablagʼi evaziga bunyod etildi.

Nigina Shoyeva

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Istiqbolli loyihalardan tomonlar manfaatdor

Surxondaryo kundan kunga chiroy ochib, obod ko‘rinish kasb etmoqda....

Jalinga interaktiv studiyasi ish boshladi

Bugun ijtimoiy tarmoqlar, media mahsulotlari tayyorlar, shu yo‘nalishda ijod...

… foydalanishga topshirildi

Tibbiyot sohasiga qaratilayotgan e’tibor negizida xalq salomatlgini asrash yotadi....

Taktik mashg‘ulotlar o‘tkazildi

Qurbon hayiti bayramiga ham sanoqli kunlar qoldi. Qutlug‘ sanani...
KunTun
KunTun