Qumqo‘rg‘on tumanidagi 11-sonli AFCHO‘IMIning bitiruvchi o‘quvchilari Termiz davlat universitetining matematika, fizika va tarix fakultetlarida bo‘lishdi.
Oliygohning moddiy-texnik bazasi, laboratoriyalarda o‘tkazilayotgan tajribalar bilan tanishib, optika fizikasi laboratoriyasida bevosita amaliy tajriba o‘tkazdilar. Shuningdek, IT texnologiyalar sohasida ta’lim jarayonlarining tashkil qilinishi va qo‘lga kiritilayotgan yutuqlar haqida ma’lumotlarga ega bo‘ldilar. “Qatag‘on qurbonlari” xotira muzeyidagi sayohat unutilmas taassurotlarga boy bo‘lgan bo‘lsa, universitet kutubxonasi, boy ma’naviy xazinalar ham katta qiziqish uyg‘otdi.
Ayniqsa, tarix fakulteti dekani X. Xolmo‘minov va professor-o‘qituvchilar bilan bo‘lgan uchrashuv bitiruvchilarning oliygohda o‘qish ishtiyoqini yanada alangalatdi. Bitiruvchilarning aksariyati “Shu dargohda o‘qisam edi” deya niyat qildilar.
H.Baxtiyorova
