Samarqand shahridagi zavoddan yetib kelgan yangi avtobus Oltinsoy tuman madaniyat bo‘limiga berildi. Uning topshirilishi esa bayramga ulanib ketdi.
Roppa-rosa bir oy muqaddam viloyat hokimi To‘ra Bobolov Oltinsoy tumanidagi “Mingchinor” mahallasida aholi bilan muloqot uyushtirganida tuman madaniyat bo‘limi xodimlari bilan uchrashgan edi. Ular avtobus ajratishda amaliy yordam so‘rab murojaat qilgan edilar.
Tumanda hamda viloyat markazida o‘tadigan bayramlar tuman madaniyat bo‘limi xodimlari ishtirokisiz o‘tmaydi. Ayniqsa, xodimlarning chekka mahallalarda tadbirlar o‘tkazishlariga qulaylik yaratish maqsadida avtobus berilganligi quvonchli voqea bo‘ldi.
S.Murodova
