Sherobod tumanining “Cho‘mishli” mahallasi hududida joylashgan Imom Abu Iso Muhammad at-Termiziy yodgorlik majmuasida diniy soha vakillari, qabriston va ziyoratgohlarda faoliyat yurituvchi masʼullar hamda nuroniylar ishtirokida seminar tashkil etildi. Avvalo, seminar ishtirokchilari buyuk bobokalonimizning qabrini ziyorat qilib, Qur’on tilovat qildilar. So‘ng tashkiliy ishlarga o‘tilib, qabriston va ziyoratgohlar hududlarini tartibga keltirish, obodonlashtirish ishlari qanday olib borilgani, shuningdek, qabrlarning joylashuvi, ro‘yxatga olish, raqamlash, qabr toshlari va boshqa belgilarni o‘rnatish jarayonlari ko‘zdan kechirildi.
Xalqimiz xayr-u saxovatni birinchi o‘ringa qo‘yib, yaxshilik ulashishni odat qilgan. Shu sababdan ham obodlik ishlarini boshlashdan avval elga osh berib, ulug‘larning, nuroniylarning duolarini oldilar. Imom Abu Iso Muhammad At-Termiziy majmuasida dasturxon yozilib, 10 ga yaqin doshqozonda yorma taomi tayyorlandi va xalqqa ulashildi.
Sohibjamol
