Ilm yo‘li mashaqqatli va ulug‘ yo‘ldir. Olimlikni da’vo qilganlar buning mashaqqatini, qiyinchiligi-yu zahmatlarini boshdan kechirib, yangi bir chashma ochgandek, ko‘plarni shu chashmadan bahramand qiladi. Bugungi kunda bu yo‘lni sharaf bilganlar, izlanishlar olib borib, yuqori marralarni ko‘zlab va unga erishayotgan yoshlar ko‘plab topiladi. Termiz davlat universiteti magistranti, yoshlar ittifoqi boshlang‘ich tashkiloti yetakchisi Izzat Tolipov ham ana shunday yoshlardan.
U Mustaqil Davlatlar Hamdo‘stligi (MDH) miqyosida o‘tkazilgan “Eng yaxshi ilmiy tadqiqotchi” xalqaro ilmiy-amaliy ko‘rik-tanlovida ishtirok etdi. To‘g‘ri, g‘oliblik uchun unchalik ham umid bog‘lamagandir, ammo taqdim etgan ishi, mehnati e’tirof etishga arzigulik bo‘ldi. Va “Scientific Academy” ilmiy tadqiqotlar markazi tomonidan g‘olib deb topilib, “Ta’lim sohasidagi xizmatlari uchun” ko‘krak nishoni va sertifikat bilan taqdirlandi.
Hilola Baxtiyorova
