Surxondaryo viloyati hokimi Ulug‘bek Qosimov Denov tumanida bo‘lib, paxta hosilini o‘z vaqtida va sifatli yig‘ib-terib olish jarayonlari bilan tanishdi. Mas’ullarga mavsumni uyushqoqlik bilan tashkil etish yuzasidan tegishli ko‘rsatmalar berildi.
Tashrif davomida viloyat hokimi paxta terimida faol ishtirok etayotgan terimchilar bilan suhbatlashdi. Ular orasida 66 yoshli Mayram Pardayeva ham bor. U ayni paytda terimda faol qatnashib, 150 kilogrammdan ortiq paxta tergan.
Viloyat hokimi terimchilarning mehnatini e’tirof etib, ularga esdalik sovg‘alarini topshirdi.
