Sho‘rchi tumani “Xurlik” mahallasida yashovchi Nurjamol Berdiyeva o‘z tomorqasidan samarali foydalanib, 4 sotix yer maydonida issiqxona tashkil etgan holda bulg‘or qalampiri yetishtirmoqda. U mehnati evaziga yiliga 40–50 million so‘m daromad olishga erishmoqda.
Tadbirkor ayolning aytishicha, issiqxona ishlari doimiy parvarish, sabr va e’tibor talab qiladi. Har bir ko‘chatga alohida g‘amxo‘rlik qilishgina barqaror hosil va yuqori daromadni ta’minlaydi.
Bu tajriba shuni ko‘rsatadiki, farovonlik yirik resurslardan emas, balki mavjud imkoniyatdan oqilona foydalanish va mehnat madaniyatidan boshlanadi. Tomorqadan samarali foydalanish esa bugungi kunda aholi daromadini oshirishning muhim yo‘nalishlaridan biri bo‘lib qolmoqda.
