Termiz iqtisodiyot va servis universitetida viloyatdagi maktabgacha ta’lim tashkilotlari rahbarlari, metodistlari hamda tarbiyachilari uchun o‘quv-amaliy seminar tashkil etildi. Seminar davomida “Zamonaviy pedagogik texnologiyalarni qo‘llashda tarbiyachining roli” hamda “Bolalarda nutq va muloqot ko‘nikmalarini rivojlantirishda tarbiyachining faoliyati” mavzulari bo‘yicha amaliy mashg‘ulotlar va mahorat darslari o‘tkazildi.
Mazkur tadbirda 2 mingga yaqin pedagog xodim ishtirok etib, zamonaviy ta’lim metodikalari, innovatsion yondashuvlar hamda bolalar bilan samarali ishlashning ilg‘or tajribalari bilan tanishdilar.
Seminar ishtirokchilari universitetning zamonaviy o‘quv binolari, laboratoriyalari, axborot-resurs markazi hamda talaba-yoshlarga yaratilgan qulay sharoitlar bilan yaqindan tanishish imkoniga ega bo‘ldilar.
