Toshkent viloyatining Bo‘stonliq tumanidagi dam olish maskanida O‘zbekiston yuridik klinikalari yuridik fakulteti talabalari uchun “Kiberzo‘ravonlik qurbonlariga bepul yuridik yordam ko‘rsatish” mavzusida yozgi maktab o‘quv dasturi bo‘lib o‘tdi.
Mazkur loyiha BMT ko‘magida tashkil etildi va unda respublikaning 7 ta oliy ta’lim muassasasi talabalari, jumladan Termiz davlat universitetining yuridik fakulteti talabalari ham faol ishtirok etdi.Yozgi maktab davomida Latviya Respublikasidan taklif etilgan xalqaro ekspertlar tomonidan ma’ruzalar, treninglar va amaliy mashg‘ulotlar o‘tkazildi.
Talabalar nafaqat yangi bilimlarga ega bo‘lishdi, balki o‘zaro tajriba almashib, jamoada ishlash ko‘nikmalarini ham rivojlantirishdi.
