Sherobod tuman madaniyat uyida “Inson” ijtimoiy xizmatlar markazi tomonidan nogironligi bo‘lgan shaxslar tomonidan ishlab chiqarilgan mahsulotlar savdo yarmarkasi tashkil etildi. Yarmarkada 35 nafardan ortiq nogironligi bo‘lgan fuqaro o‘z qo‘llari bilan tayyorlagan mahsulotlar bilan ishtirok etdi. Ularning mehnati mahsuli yarmarka ishtirokchilarida katta qiziqish uyg‘otdi.
Tadbirda tuman korxona va tashkilotlari rahbarlari hamda xodimlari faol ishtirok etib, mahsulotlar savdosi bo‘yicha hamkorlik aloqalarini yo‘lga qo‘ydi hamda shu yerning o‘zida mahsulotlardan xarid qilishdi. Yarmarka yakunida faol ishtirok etgan nogironlarga esdalik sovg‘alari topshirildi.
Tadbir ko‘tarinki ruhda, ijtimoiy birdamlik va insonparvarlik tamoyillari asosida tashkil etildi.
