“Kelajakka qadam” tashlandi

Yurtimizda amalga oshirilayotgan islohotlar yoshlar tadbirkorligida mutlaqo yangi davrni boshlab berayotir. Jumladan, ta’lim muassasalarini tamomlayotgan yoshlar bandligini ta’minlash bo‘yicha yangi tizim yaratilib, yoshlarni jamiyatda o‘z o‘rinlarini topishlariga turtki berilayotir.
Ana shunday turtki sifatida Termiz davlat universitetida “Kelajakka qadam” markazi o‘z faoliyatini boshladi. Markazning ochilish marosimi tantanali ko‘rinish kasb etdi. Unda universitet rektori A.Toshqulov viloyatdagi OTM rahbarlari, Milliy bank mas’ullari ishtirok etdi.
Jarayonda markazning imkoniyati va vakolati xususida ma’lumotlar berildi. So‘ngra tadbir ishtirokchilari manzilda talabalar va mutassadilar uchun yaratilgan shart-sharoitlar bilan tanishib, tashabbuskor talabalarning biznes loyihalariga quloq tutishdi. Aytish kerakki, viloyatimizdagi barcha OTM bitiruvchi talabalarining “Start up” loyihalari mazkur “Kelajakka qadam” markazi orqali qo‘llab-quvvatlanadi.